Home / Testimonials / Lakas ng Loob Mula sa Maasahang Takbuhan
Lakas ng Loob Mula sa Maasahang Takbuhan
May mga pagkakataon na kahit pinagkakasya mo ang budget, may mga pangangailangan talagang biglang dumarating. Paano ito haharapin nang may kumpiyansa at tiwala sa sarili?
Published on September 8, 2026
By Mishalei Capacio
Minsan, kahit anong ingat sa paggastos at pagkakasya ng budget, ay may mga pangangailangan pa ring biglang magpapa-sakit ng ulo mo. Sa ganitong sitwasyon, mahalagang harapin ang mga ito nang may kumpiyansa at tiwala sa sarili, at malaman kung saan maaaring humingi ng tulong kapag kinakailangan.
Isa si Nanay Rita, 46 taong gulang mula Laguna, sa mga nakaranas nito. Habang ipinapagawa niya ang kanilang bahay, dumating ang pagkakataong nararamdaman niyang hindi na kasya ang kanilang budget. Bilang isang biyuda ng apat na taon, isa sa kanyang inaasahang pinagkukunan ng suporta ang survivorship pension na natatanggap niya mula sa SSS. Kaya naman, nagsimula siyang maghanap ng lending company na maaaring makatulong sa kanyang pangangailangan.
Nakilala ni Rita ang EverFirst matapos siyang ma-refer ng isang staff na nakasabay niyang kumain sa Jollibee. Ngunit higit pa sa loan ang nakita niya sa EverFirst. Sa bawat pagbisita niya, tumatak sa kanya ang magiliw na pagtanggap ng mga tao rito.
“Pag-pasok mo pa lang ng EverFirst, talagang yung pagtanggap nila sa’yo ay maganda…”
— Rita Ulan, EverFirst Los Baños customer
Naging madali rin para kay Nanay Rita na magtanong at humingi ng impormasyon tungkol sa mga serbisyong maaaring makatulong sa kanya. Hindi siya nahihiyang magtanong dahil maayos at malinaw na ipinapaliwanag ng mga loan consultant ang mga requirement, proseso, at iba’t ibang loan na maaaring i-avail. Sa bawat pagbisita, nararamdaman niyang may mga taong handang makinig at gumabay sa kanya.
Hangad ng EverFirst na maging ganitong lugar para sa mga SSS at GSIS pensioner na naghahanap ng mapagkakatiwalaang mauutangan, isang takbuhan kung saan walang panghuhusga at walang pakiramdam na hindi ka kabilang. Dahil kapag may biglaang pangangailangan, mas madaling humarap sa hamon kapag alam mong may lugar na handang tumanggap, makinig, at tumulong.
Pindutin ang link na ito para mapanood nang buo ang video.
